1
前排係團購買左盒賀年禮盒+芝麻薄脆對聯1對
今日去了九龍城換了返黎,聽講話瓜子大王都係問佢囉貨~~~
嘩~同我平時係街市個D真係好唔同,係好食好多,幾香口
芝麻薄脆對聯1對>>幾頂癮,用黑芝麻砌「新年快樂」同「恭喜發財」,薄脆夠脆
原粒花生糖>>好香花生味~~
白芝麻米果>>係我食過最軟的芝麻軟糖,甜度又岩岩好~
肉鬆米果>>>最最最鐘意食!!!潮州芝麻軟糖肉鬆三文治~~~正!
笑口棗>>不過不失
花生角仔>>傳統野,不過香口又唔太肥膩
肉鬆角仔>>新野,雞蛋卷肉鬆就試得多,呢個都係第一次~幾特別,外脆內充滿肉鬆
我岩岩發現而家係另一個團購網又有得買~~~我諗今次會買多幾盒過年用~~
