漁吉海鮮丼專門店 (已結業)

今日放工行街，途經觀塘毅力工業大廈。聽講上邊有一檔魚生飯幾好食就決定試一試。睇佢哋嘅餐牌，魚生飯嘅選擇都算幾多，幾吸引我揀咗一個三文魚親子丼，我朋友就揀咗北海帆立丼。等上菜期間，留意到呢度係自助熱茶嘅，而且環境清靜，感覺好自由，好有彈性上菜～三文魚親子丼啲三文魚大大塊，Wasabi都係即磨，感覺唔係現成，十分有誠意。三文魚好淋，好嫩，好肥美，入口即溶再撈埋啲豉油、三文魚籽同埋Wasabi一齊食啲飯味道啱啱好。三文魚籽一啲都唔腥，鹹香鹹香，值得一讚我都試咗一啲朋友嘅海膽同埋帆立貝。海膽質素ok, 都幾鮮甜，帆立貝有炙燒，所以好香，入口鮮美。總結：整體魚生飯質素高，所以價錢相對較貴，但值得偶爾善待一下自己。唔覺唔覺好快就食晒一碗。希望下次仲可以食到咁高質素嘅魚生飯啦。