更多
2016-06-15
2315 浏览
好多时睇到呢个舖头名，都觉得好怪，究竟系卖健康定卖拉面，拉面一般都会觉得系比较肥腻，浓浓嘅猪骨汤，有层油喺面，加几块半肥瘦叉烧，好似同健康好难拉上关系。终于揾日的起心肝去试下～中午时段好多人，要喺出面排阵队先入到去，舖仔细细，好有日本风情，将啲菜名逐个写出泥，贴满成间舖，睇完menu心大之细之后点左两款拉面。溏心蛋味噌拉面，饮啖汤先，「呜哇～浓郁得泥有阵镬气味，我钟意呀～」师傅炒过配菜再淋上汤，味噌加镬气，原来都几夹。另外面身够硬，叉烧好香口，略嫌肥左少少，溏心蛋合格，蛋白都几嫩滑。个人觉得精髓喺啲菜度😂一啖面加几条菠菜同爽脆嘅芽菜，即刻refreshing。至于健康拉面，有个set，一枝多多，一碗椰菜丝沙律，同一大碗好多菜嘅海鲜拉面。镬气相对少左，比较清淡，但一样系浓郁嘅汤底，有啲似合字牌海鲜味杯面，不过系。无。味。精。版～～～啲菜多到食极都有，真系啱晒主题，健康！整体泥讲唔错，虽然服务一般，但汤底同炒香嘅菜尤其出色，食到饱饱令人满意。
终于揾日的起心肝去试下～中午时段好多人，要喺出面排阵队先入到去，舖仔细细，好有日本风情，将啲菜名逐个写出泥，贴满成间舖，睇完menu心大之细之后点左两款拉面。
溏心蛋味噌拉面，饮啖汤先，「呜哇～浓郁得泥有阵镬气味，我钟意呀～」师傅炒过配菜再淋上汤，味噌加镬气，原来都几夹。另外面身够硬，叉烧好香口，略嫌肥左少少，溏心蛋合格，蛋白都几嫩滑。个人觉得精髓喺啲菜度😂一啖面加几条菠菜同爽脆嘅芽菜，即刻refreshing。
至于健康拉面，有个set，一枝多多，一碗椰菜丝沙律，同一大碗好多菜嘅海鲜拉面。镬气相对少左，比较清淡，但一样系浓郁嘅汤底，有啲似合字牌海鲜味杯面，不过系。无。味。精。版～～～啲菜多到食极都有，真系啱晒主题，健康！
整体泥讲唔错，虽然服务一般，但汤底同炒香嘅菜尤其出色，食到饱饱令人满意。
张贴
