影片
更多
2011-05-06
23 浏览
2月17日, 今日到呀菲嚟搵我食飯, 揀咗食呢間以健康素食為主嘅西式小店~ 大約1:30, 人流已去了大部份, 雖然店舖細小但係我地去到都可以搵到位坐. 睇睇menu, set lunch有3款可供選擇, 仲配飲品添, 價錢唔平不過野食都叫特別~::: 黑椒忌廉鮮菌有機意粉 + 寧神 ::: $55因為佢地嘅湯只剩下一碗, 所以俾咗個95折我地~ 湯係南瓜湯, 南瓜味道好重, 仲食到d南瓜茸添, 好清新味道都調得幾好, 唔錯~意粉上枱賣相端好, 鮮菌有好多種, 又蘑菇、冬菇、雞脾菇等… 仲有好多蔬菜添~ 忌廉汁好濃郁, 味道好奶好creamy, 味道上已經夠晒吸引~ 鮮菌食落好新鮮, 好爽口, 味道同忌廉汁, 意粉等都好夾~ 混雜埋紫椰菜、西蘭花、青豆同粟米芯, 都好新鮮好fresh, 完全食到蔬菜嘅清甜! 加上意粉有al dente嘅感覺, 唔會太淋又唔會過硬~ 所以整個意粉雖然冇肉, 但係味道、份量、質素都已經滿足到我~!餐飲要咗“寧神”, 好特別嘅名~ 其實即係薰衣草茶, 看說明話有使人安靜, 提神作用~哈哈係咪真就唔知, 不過味道好清好有花香, 唯獨不好嘅係用茶包, 如果係真
::: 黑椒忌廉鮮菌有機意粉 + 寧神 ::: $55
因為佢地嘅湯只剩下一碗, 所以俾咗個95折我地~ 湯係南瓜湯, 南瓜味道好重, 仲食到d南瓜茸添, 好清新味道都調得幾好, 唔錯~
意粉上枱賣相端好, 鮮菌有好多種, 又蘑菇、冬菇、雞脾菇等… 仲有好多蔬菜添~ 忌廉汁好濃郁, 味道好奶好creamy, 味道上已經夠晒吸引~ 鮮菌食落好新鮮, 好爽口, 味道同忌廉汁, 意粉等都好夾~ 混雜埋紫椰菜、西蘭花、青豆同粟米芯, 都好新鮮好fresh, 完全食到蔬菜嘅清甜! 加上意粉有al dente嘅感覺, 唔會太淋又唔會過硬~ 所以整個意粉雖然冇肉, 但係味道、份量、質素都已經滿足到我~!
餐飲要咗“寧神”, 好特別嘅名~ 其實即係薰衣草茶, 看說明話有使人安靜, 提神作用~哈哈係咪真就唔知, 不過味道好清好有花香, 唯獨不好嘅係用茶包, 如果係真係自己調製出來會睇得出用心.
::: 黑椒素扒芝士漢堡包 + 焗薯條 + 沙律 + 精選凍果茶 ::: $59
平時都好怕食素扒呢d齋肉, 硬係覺得味道會怪怪地… 但呢個burger又唔錯wor! 首先見到烘得硬脆疊得整齊嘅漢堡包, 伴上清新沙律同大大條厚肉薯角, 賣相已經令人心曠神怡~ 切開漢堡包檢查埋佢d內餡, 餡料真係一層一層好有心機咁疊好, 完全無歪離歪斜, 仲可以用半溶嘅芝士拉出芝士絲! 除咗黑椒素扒外, 底層仲有厚疊疊嘅鮮嫩生菜、番茄同埋蘑菇~ 素扒其實唔太似肉, 但因為有黑椒所以好惹味! 成個包材料層次分明, 但味道又出奇地配合! 好味~ 焗薯條口感清爽唔油膩, 唔算脆但啖啖香軟薯肉~ 都唔錯.
是日精選凍果茶係百香果茶~ 味道香甜夠凍! 為今日嘅清新午餐畫上完美句號!
呢間素食西餐味道係幾好, 比同區茶餐廳味道完全高了一級. 不過, 咁樣嘅價錢真係唔可以日日食, 食得齋多都要食番d肉嘅~
张贴
