影片
更多
2010-09-03
74 浏览
师傅早一排成日同食神讲, 几时得闲带师傅去见识下佢间饭堂呀, 结果喺一个多星期前, 师傅就收到食神嫂嘅邀请, 相约一同去佢地间饭堂度食晚饭; 师傅收到邀请当然十分开心, 更窝心系食神夫妇真系记得师傅曾经要求过嘛! 于是放左监后约埋食神就齐齐去攞位, 未够七点已经排紧队攞飞仔, 仲要话七点九先有位, 师傅一向都知呢间食店出晒名, 所以要等都唔出奇; 但出奇在到左七点九时都不能入座, 原因系食神嫂同炒股明尚未到; 虽然呢间食店假假地系食神嘅饭堂, 谂住会比少少面啦, 但呢间食店一于少理, 都话系知你系食神定师傅, 一于冇面比, 就算食神出埋美男计亦惨败收场!好唔容易先有位, 坐底后当然由食神同食神嫂发板, 于是一口气就柯打左蒜蓉粉丝蒸圣子, 黄金虾, 鲩鱼皮, 啫啫通菜, 梅子骨同埋胡椒蚬! 落完单唔使等好耐就有得食, 率先登场嘅系鲩鱼皮, 于是二话不说即刻开餐, 鲩鱼皮入口真的十分爽, 一d都唔腥而且十分新鲜, 非常美味, 加上伴碟嘅花生亦是卜卜脆, 绝不腍口, 呢碟鲩鱼皮作为头盘确实不错!师傅之后再试梅子骨, 梅子骨闻落去醋酸味颇浓, 但食落口又绝非这回事, 梅子骨肉身松软, 入口酸中
于是放左监后约埋食神就齐齐去攞位, 未够七点已经排紧队攞飞仔, 仲要话七点九先有位, 师傅一向都知呢间食店出晒名, 所以要等都唔出奇; 但出奇在到左七点九时都不能入座, 原因系食神嫂同炒股明尚未到; 虽然呢间食店假假地系食神嘅饭堂, 谂住会比少少面啦, 但呢间食店一于少理, 都话系知你系食神定师傅, 一于冇面比, 就算食神出埋美男计亦惨败收场!
好唔容易先有位, 坐底后当然由食神同食神嫂发板, 于是一口气就柯打左蒜蓉粉丝蒸圣子, 黄金虾, 鲩鱼皮, 啫啫通菜, 梅子骨同埋胡椒蚬! 落完单唔使等好耐就有得食, 率先登场嘅系鲩鱼皮, 于是二话不说即刻开餐, 鲩鱼皮入口真的十分爽, 一d都唔腥而且十分新鲜, 非常美味, 加上伴碟嘅花生亦是卜卜脆, 绝不腍口, 呢碟鲩鱼皮作为头盘确实不错!
师傅之后再试梅子骨, 梅子骨闻落去醋酸味颇浓, 但食落口又绝非这回事, 梅子骨肉身松软, 入口酸中带甜, 酸味唔会过重, 整体味道十分讨好, 师傅觉得系开胃同必食之选, 超得; 蒜蓉粉丝蒸圣子其实好多地方都有得食, 本来师傅觉得冇咩特别, 但呢间食店嘅圣子就比较大只, 大只得黎又蒸得唔老唔韧, 味道仲十分鲜甜, 肉质新鲜爽口, 加上粉丝劲多, 蒜蓉又劲香, 成只蒜蓉粉丝蒸圣子就系咁样比师傅做胜左; 坦白讲师傅觉得圣子系要豉椒炒先最好味, 偏偏呢度咁够吉屎蒜蓉粉丝蒸, 仲要咁得问你服未?
胡椒蚬嘅蚬都几大只, 蚬冇沙味道鲜甜, 配埋胡椒汤份外惹味, 胡椒汤又香又辣, 不过师傅欣赏个汤多过d蚬; 而黄金虾都几大只, 只只都有厚厚嘅蛋黄包实, 净系食嘅外壳都令师傅食到lam lam 脷, 而虾身爽口鲜甜, 不错; 啫啫通菜就清一式系菜茎, 少少菜叶都冇, 咁样就可以做到啫啫通菜唔会出水, 够晒干身, 而菜茎亦十分嫩绿, 味道抢口惹味, 非常好味!
食到咁上下食神嫂话前后左右枱枱都有碟南乳炸猪手, 咁喺四面围攻嘅情况下, 当然要柯打番一碟试下先, 南乳炸猪手嘅卖相都几靓, 可惜师傅对猪手从来都冇研究, 所以当食落去又唔觉得好好味, 只觉得肉身都几松, 唔太油可以啦, 师傅觉得未到不吃不可, 恕师傅唔识欣赏!
总括黎讲食物水准甚佳, 服务普通, 环境就逼挟, 坐就一定唔太舒服, 价钱就相宜, 食咁多野又啤酒又汽水, 埋单每位都系百二蚊, 十分抵食! 其实师傅之前已然黎过一次, 不过系食晏, 始终觉得食晏一般, 经过是次一餐, 师傅对呢间食店真系十分欣赏, 唔怪得呢间食店会系食神嘅饭堂, 做得食神饭堂果然有料到, 如果有机会师傅都会再黎, 笑脸又点走得甩!
张贴
