影片
更多
2019-05-19
160 浏览
同男朋友去完會所做Gym，做完運動GE我地餓到不肯，於是去左V City附近四圍行搵好西食！行過見到有幢新住宅The Varkville剛入伙，樓下有間新餐廳，大大GE落地玻璃，望入去裝潢簡約得黎，又幾格調，都似幾舒服。入面位置都幾闊落，仲有幾檯係有BB車GE食客，XD我捉左男朋友入去要睇人地GE可愛寶寶。我都幾鐘意呢度GE裝飾，整齊GE白木板做裝潢、深木色GE木椅、仿雲石的膠檯，有道牆上有少少可愛GE裝飾，陽光懶洋洋咁灑落係店入面，未食野已經對呢間餐廳印象唔錯。呢度有個免費自助水吧，供應3款唔同GE飲料，款式唔算多，但都係非常健康有特色GE特飲，今次就有鮮薑紅棗桂圓杞子水、薄荷鮮橙水 ，玄米綠茶，誠意同心思十足。我地叫Combo A 卡邦尼大通粉配溫泉蛋($138)，男朋友就叫左Combo D 美國安格斯西冷(9安士)荷蘭汁配南瓜薯餅。呢度上菜速度都幾快，等左一陣套餐就已經上場。套餐非常吸晴，塊安格斯牛扒有我一隻半手掌咁大，牛扒係靚料，食落好香牛味，而肉質好鮮嫩，配埋個自製醬汁，又係另一種好味道。薯蓉同栗米粒非常加分，栗米粒有用牛油去炒過，入口咸咸甜甜；而薯蓉入口軟綿順滑好似入口即融
同男朋友去完會所做Gym，做完運動GE我地餓到不肯，於是去左V City附近四圍行搵好西食！行過見到有幢新住宅The Varkville剛入伙，樓下有間新餐廳，大大GE落地玻璃，望入去裝潢簡約得黎，又幾格調，都似幾舒服。入面位置都幾闊落，仲有幾檯係有BB車GE食客，XD我捉左男朋友入去要睇人地GE可愛寶寶。我都幾鐘意呢度GE裝飾，整齊GE白木板做裝潢、深木色GE木椅、仿雲石的膠檯，有道牆上有少少可愛GE裝飾，陽光懶洋洋咁灑落係店入面，未食野已經對呢間餐廳印象唔錯。
呢度有個免費自助水吧，供應3款唔同GE飲料，款式唔算多，但都係非常健康有特色GE特飲，今次就有鮮薑紅棗桂圓杞子水、薄荷鮮橙水 ，玄米綠茶，誠意同心思十足。
我地叫Combo A 卡邦尼大通粉配溫泉蛋($138)，男朋友就叫左Combo D 美國安格斯西冷(9安士)荷蘭汁配南瓜薯餅。
呢度上菜速度都幾快，等左一陣套餐就已經上場。
套餐非常吸晴，塊安格斯牛扒有我一隻半手掌咁大，牛扒係靚料，食落好香牛味，而肉質好鮮嫩，配埋個自製醬汁，又係另一種好味道。薯蓉同栗米粒非常加分，栗米粒有用牛油去炒過，入口咸咸甜甜；
而薯蓉入口軟綿順滑好似入口即融咁。
南瓜薯餅即點即炸，所以上檯時仲係熱騰騰，切落去好卜卜脆，而入面GE南瓜蓉甜度適中，非常好食，而店家知道食炸物少不免白熱氣，下面仲跟配少少白蘿蔔條，等我地食熱氣野得黎又唔怕熱氣，認真體貼。
卡邦尼大通粉配溫泉蛋，個溫泉蛋一吉D蛋液即刻順勢而下，同卡邦尼汁Mix埋一齊，入口好爽口好滑，而非常Creamy，大通粉入面再放左微帶焦脆的煙肉絲一齊煮，味道拿掐得剛好，而且大通粉大大粒，我好粉食大通粉，食落都幾有口感，幾好食。
套餐除左主食外，仲有跟華都夫沙律、水果同餐湯，咩都食暈哂，勁開心。華都夫沙律用料豐富，有蘋果、提子、椰菜、洋蔥、蒜乾同沙律醬，個沙律夠哂凍，夏天食超爽皮，用料亦都夠哂新鮮，所有材料拌埋一齊食好好食。
餐湯同平時食開GE有D唔同，佢唔係平時飲開果種好稠同好企身果種，同埋無加咁多茄膏同糖，入口係比較清淡同無咁甜，我鐘意呢度呢個湯多D！一黎健康好多，而且有好多蔬菜(紅蘿蔔、蕃茄、洋蔥、牛肉) 可以食，好有咬口，個湯入口酸酸地清甜，好開胃，唔會太快整飽我XD。最後仲有時令生果食，西瓜、火龍果、提子，全部都好甜，仲雪得咁哂凍，好幸福呀！呢度D野食質素非常唔錯，而且環境亦都非常舒服，我同男朋友都話要再黎食過。
张贴
