班蘭葉印尼餐廳

营业中

休息中

今日來左哩間係銅鑼灣糖街，叫斑蘭葉既印尼餐廳。平時都見到好多印尼姐姐來哩度食飯，今日終於來試下。我地叫左兩個招牌主菜，原條魚花膠湯粉皮同埋燒雞班蘭葉飯。先講個飯，面相已經好靚好特別，綠色既飯，加埋好香既燒雞。食落個味道都特別好食。個飯好香班蘭葉味同椰香，淨係食飯都好好食，仲有雞油味再加埋嫩滑既烤雞，令人食唔停口。鍾意食辣辣地既朋友仲可以點埋特製醬汁，辣辣地好惹味。鍾意食班蘭蛋糕既朋友一定要試下哩個飯！到女士至愛既花膠湯粉皮，花膠真材實料，超大舊仲好好味！啲粉皮都好滑，好似腸粉咁，但係就大條啲同厚啲。雖然粉皮冇咩味，但係個湯就好入味，應該係花膠雞湯，一樣咁滋潤！條魚乾煎煎都金黃食，好香口。啲肉仲要好易就可以拆到，又唔多骨。除左兩個主食，我地仲叫左一個小食拼盤同兩杯野飲。食拼盤可以試下印尼既小食，每款小食有兩至三舊，岩哂同朋友一齊share來食，其中最好食可以話係炸雞同茄子，無錯又係雞，而其他都不過不失。飲品係龍眼冰同芒果沙冰，兩杯都好大好凍同好解渴，最岩一路食炸雞烤雞一路飲！大滿足