味一番

营业中

休息中

平日鍾意食日本菜嘅我，見呢排返工咁忙一定搵返那麼多日同朋友放工去食好西，最後book左尖沙咀味一番食日本菜，一黎到就被安排坐咗喺吧枱，可以望住師傅整壽司刺身嘅過程，侍應細心介紹左今天有什麼值得推介。油菜花沙律，望落好翠綠又有refresh既感覺，加咗木魚碎恰到好處。左口魚刺身同特上錦繡刺身嚟食，分別有海膽，拖羅，帶子，牡丹蝦等等...全部都好新鮮，好似去咗日本食一樣，特別係海膽非常鮮甜，好想再encore！左口魚刺身配鯛魚汁又係好夾，加左之後魚嘅鮮味更加提升。跟住師傅就揀咗2款壽司俾我哋食，分別係金目鯛同白蝦壽司，呢兩款都係被香港比較少見嘅壽司，雖然係比較貴，但係值得嘅，我地一食就愛上！之後再上左幾款串燒，分別係牛舌，白菌，煙肉蠔卷同埋大葱煙肉，串燒全部都得好香，香脆多汁唔乾又好味，最推介牛舌同白菌，因為白菌平時比較少見，而牛舌一d都唔韌非常嫰滑，值得推介！最後仲嗌左叫鯛魚味稻庭烏冬，有好香濃魚湯嘅感覺，稻庭烏冬非常掛湯，湯頭亦都非常鮮甜好飲，就算食到好飽都可以清晒。食到好飽就以柚子雪芭作為甜品，為呢一餐晚飯做出完美嘅句號。