大澳炭燒雞蛋仔叔叔 (已結業)

入到大澳必食之一就緊係雞蛋仔la..可惜太多人排隊關係...所以諗住臨走時先買...大約4點半都仲係排緊隊...冇法la真係好想試下.....唯有排la..一排之下...好有型既黑超叔叔話....你地唔好排la...仲有大約8底10底咋...你地唔好排la....下.....一數之下..好彩真係好彩....我係8底之內...倒緊最後一桶蛋漿la幾桶蛋漿賣哂lu~~~~~d蛋漿好"杰"...正呀整緊la整緊la~~雖然已經冇哂蛋漿...但佢都冇慳住~~排左5個字終於有得食...熱辣辣...黑超叔叔好細心咁話...要把開個口唔好包住..同埋等一陣先好食...所以我地就照佢說話去做...自問係咪好鐘意食雞蛋仔呢..又唔係woo..但好香...等左一陣我忍唔住要將佢放入口la...嘩...點解會咁好食ga??????????甜品適中...一粒粒入面好似蛋糕既雞蛋仔入左口之後..一粒接一粒係停唔到ga....直頭不能自拔我並唔係誇張...入面唔係空心ga...最衰住放哂入口唔記得影相la...真係好好食呀我下次一定唔只買一底!!!!!!!唔怪得d人排哂長龍都照等la...黑超叔叔真係用心制作~~