現

星期六都同寵物出街街，食lunch嘅餐廳真係唔係有好多選擇，喺北角剪完頭髮就在附近搵食，結果去咗錦屏街嘅一間小Cafe，舖頭出邊都可以坐。其實Cafe入邊已經唔算太大只係得三至四張枱，但食物質素高，可以再去。

我叫咗個卡邦尼意粉，佢同出邊嘅店舖唔同，意粉本身係乾身嘅，靠意粉上邊嗰隻蛋做sauce，整體而言感覺新鮮，但略嫌太乾身，如果有多少少汁會仲好味。

我太太要咗一個 all day breakfast, 最值得推介係佢嗰個窩夫，好脆，就算凍咗都依然咁脆，當然味道也相當好。

最後一個係小朋友食嘅牛油果扁意粉，呢個強力推介，我試咗幾啖真係好好味，當然最後我個囡清晒啦。