影片
更多
2013-02-22
407 浏览
機緣巧合之下知道Hugo's 有sunday brunch、好彩一星期前都仲book 到位!餐廳裝修好有古堡feel、偏暗、夜晚應該更有情調。待應服裝得體、服務周到、很高格調! 加分!準時12:00到達、服務生領到一圓枱就坐、人不多、背住個大玻璃窗陽光恰到好處提供日光、很舒服! 跟住服務生介紹今日既sunday brunch 價錢、主菜等等。雖然會sell 下你加錢飲果汁同酒、但唔會太push 你。個brunch 係半自助形式、我地可以食夠頭盤先order 主菜、即叫即整!飲啖水之後即刻出去攞野食、第一個station 係湯、有個女廚師主動介紹soup of the day 係新鮮栗子忌廉湯、介紹得好誠懇、仲主動話送兩碗到我地張枱度、我地可以繼續係出面攞其他野食、真係好好service! 再行遠d就有十幾款沙津、coldcut、同凍盤、睇得出係靚貨、樣貌精緻!先講個湯、栗子湯上放了忌廉泡、賣相好好。呷一啖、好熱! 攪一攪、好香! 放入口、濃濃既香甜栗子味道真係一飲即刻愛上。唔係誇張、真係好飲到停唔到口。真係好栗子、相信用左好多粒栗子blend出黎先會有呢個效果!! 飲完一碗即刻出晒汗、
餐廳裝修好有古堡feel、偏暗、夜晚應該更有情調。待應服裝得體、服務周到、很高格調! 加分!
準時12:00到達、服務生領到一圓枱就坐、人不多、背住個大玻璃窗陽光恰到好處提供日光、很舒服! 跟住服務生介紹今日既sunday brunch 價錢、主菜等等。雖然會sell 下你加錢飲果汁同酒、但唔會太push 你。個brunch 係半自助形式、我地可以食夠頭盤先order 主菜、即叫即整!飲啖水之後即刻出去攞野食、第一個station 係湯、有個女廚師主動介紹soup of the day 係新鮮栗子忌廉湯、介紹得好誠懇、仲主動話送兩碗到我地張枱度、我地可以繼續係出面攞其他野食、真係好好service! 再行遠d就有十幾款沙津、coldcut、同凍盤、睇得出係靚貨、樣貌精緻!
先講個湯、栗子湯上放了忌廉泡、賣相好好。呷一啖、好熱! 攪一攪、好香! 放入口、濃濃既香甜栗子味道真係一飲即刻愛上。唔係誇張、真係好飲到停唔到口。真係好栗子、相信用左好多粒栗子blend出黎先會有呢個效果!! 飲完一碗即刻出晒汗、好正! 如果唔係擔心食唔到之後既其他野食、我好希望可以再飲多碗。忍痛唔再飲湯之後即試一試冷盤
有生牛肉他他、ceaser、椰菜沙津、hams(忘記了邊種)、smoke salmon等等…樣樣試少少…其實沙津類係唔錯既、因為食得出係新鮮外國貨、味道亦好、尤其係椰菜沙津無出水、軟硬式中、很醒胃! 只係相比較其他野之下就唔夠特出。生牛肉就略鹹、hams 亦比較普通。
食左呢一碟之後、戰鬥力已無左一大半!
跟住就到凍海鮮啦、佢地用一個大圓桶分兩層放冰present、琳瑯滿目、唯一唔好係佢放太高、夾到後尾隻手有d攰。但估唔到佢地做buffet 既海鮮質素會咁好食。好食過好多酒店!
龍蝦中size just perfect、無雪味、只有鮮甜既感覺! 肉質爽口! 生蠔一樣出色、無過鹹無過份沖走海水味.我唔知道蠔名、但肉質爽甜、如果自助餐既蠔黎講、我暫時會選佢做number 1 out of 其他酒店buffet!
已經食左好多頭盤、終於都到主菜…選擇困難症又出現。最後決定order一個魚一個牛試試!
Fish of the day:
個waitress 話係cod fish、但一d都唔似。呢碟魚係呢一餐最差既一道食物、煎得過熟、食落唔似魚、魚肉好散同太鹹。真係浪費我quota!Tender steak:
Order左medium rare、尚算可以。個汁有d似gravy+紅酒汁、都係太鹹.不過too chewy、食得好攰、最後都係決定放棄…繼失望既主菜之後就到甜品啦、驚喜又黎啦!
服務生介紹除左自助table既甜品之外、每人可以另外order 一客朱古力souffle。其實我本人唔係好鐘意souffle、但既然個waiter 極力推介、我就唔好意思拒絕! 好彩、之後證明我既決定係十分正確的!
好靚既chocolate souffle熱辣辣送上、伴碟既係熱朱古力槳。先撥開中間朱古力片既位置、然後倒入朱古力槳、簡直係souffle+心太軟既cross over 版! 香濃朱古力槳好順滑入口、再加輕軟既souffle、新體驗、新味道! 很愛!Oh my God、自助餐枱既甜品仲未試!
栗子tart:牛油tart 香脆、栗子蓉亦不失色、甜度適中、足料有如小時候先食到既栗子蛋糕.又係遺憾不能encore 既食物之一!
士多啤利千層餅：
吉士夠creamy、酥皮依然脆、不俗!
Cream brulee:
很香、原因係食到底會見到新鮮既vanilla籽!
Homemade ice-cream:最驚喜既係有自家製雪糕、由於太飽、只可以食到兩scoop vanilla +芒果雪糕、配fresh cut 生果。見到d芒果已經令我開心了一個星期! 愛死了芒果、d雪糕真係好出色、我覺得好食過grand hyatt tea time個d雪糕!
總結：價錢唔係最貴、亦唔係最平既一個sunday brunch buffet。雖然d主菜真係麻麻、但其他野真係out of 個expectation 既好.期待下次再惠顧既時候m以比呢次更好。真心推介比喜歡buffet既朋友仔~~
张贴
