東京街日本料理 (西洋菜南街)

太子間「東京街」真係要推薦！間餐廳坐得超舒服，唔會逼逼狹狹，服務員又nice，主動過嚟加茶，介紹煮法，態度好好㗎！

食物方面，個牛板肩壽喜燒正到爆！牛肉嫩滑到呢，個湯底甜度啱啱好，煮埋啲蔬菜索晒味，食完成個人暖笠笠。北海道帶子刺身新鮮到不得了，入口即化，鮮甜到震！炸吉列蠔又係必點，外皮脆卜卜，入面隻蠔仲好juicy，一啲都唔乾。

壽司定食超抵食，款式多到揀唔晒！帆立貝同吞拿魚鮮味十足，鯖魚燒過香口非常，芝士蝦濃郁惹味，加州卷配料豐富。一個定食咩都有，大滿足！

總之「東京街」真係食物高質、選擇多多，服務又貼心，絕對會再encore！