十和田總本店

即使無得去旅行，都要滿足一下自己，去到呢間餐廳，品嚐一下地道的日式料理。

為左減少接觸，大家可以用手機落單，非常方便。今次叫左一客超上壽司拼盤，以及一客鰻魚壽司。

鰻魚非常厚身，加上蒲燒醬汁，極之惹味；

而壽司拼盤上有多款精美的壽司： 海膽軍艦絕對係最搶眼的選擇，入口順滑，鮮味十足；而厚切的吞拿魚都值得推介，充滿魚油香味；而蟹籽軍艦入口口感一流；鮮蝦選料上乖，質感彈牙，總捨而言，係一個不錯的配搭。

最後仲有一客日式蒸蛋，入口非常順滑；而蒸蛋入面加有海鮮，味道鮮甜，質素唔錯。