韓宮 (已結業)

今日收工同朋友黎食韓國嘢，佢原本係轉角位到賣韓國熟食，最近開埋餐廳做堂食！我地未點菜佢已經上左三碟小食，醃蘿蔔好清爽好食！泡菜唔算好辣，應該岩大部分人既口味👍🏽我地叫左個醬油蟹，本身都心大心細，唔知叫唔叫好，因為之前係其他地方食過太鹹。但好彩有叫，呢到鹹味適中，鮮味好出！仲有膏香添！食完就上左燒肉拼盤，我地點左有牛有豬既Set C🤤 佢成個盤就係燒烤盤黎，不過要拎起牛肋骨隻碗仔先好開心啊！豬肉質素好，唔會有腥味！但最正係個牛肋骨🤤勁入味又夠冧，送飯一流我地唔飲酒，就叫左凍柚子蜜，勁足料，唔會飲到最後淡晒！100分啊😆👍🏽最後我地再叫左個冷麵黎share ，解膩岩晒 👍🏽