名物！菠蘿汁鑽石和牛胸腹肉
連埋半舊菠蘿咁樣相，非常特別，而且牛胸腹肉界晒紋，即使一大條，但都比較易燒，牛味重！正🫡
特上牛小排 $138
一碟4塊 ，睇油花都知道非常漂亮，今次我哋就揀咗汁燒風味，佢另外仲有鹽燒可以選擇，肉汁非常香濃，唔使點燒肉汁都夠味🥰
燒肉點少得厚切鑽石牛舌 $148
同樣一碟4塊，而且真係大塊且厚切，牛舌呢種厚度好少有，特別爽彈，無可挑剔
五花肉 $98
基本五花肉，由於冇乜調味，每一款就可以試一試佢哋肉汁或者鹽等等。
生蛋拌飯配漬海苔 $29
好多人都鍾意燒肉配白飯，中和一下油膩感，我都唔例外，而且呢度嘅飯有生蛋同海苔，不過撈勻之後出奇地有少少乾🫣
整體嚟講，環境舒適，價錢合理，而且呢度另外仲有燒肉拼盤，2個人黎食都好多選擇🤘🏻
