16
0
1
等级1
1
0
2020-12-07 394 浏览
为左帮朋友庆祝生日,所以订左呢间新开嘅日本餐厅。其实之前食开嘅omakase都系喺港岛区,见呢间好似唔错就book嚟试下。餐厅非常乾净企理,每张枱都已经放好咗消毒搓手液。职员嘅服务态度都唔错,我哋一坐低就好贴心咁即刻比篮我地放手袋。因为我哋得两个女仔,所以就点左12件寿司set (每位$410)套餐有包埋蒸蛋,汤同埋雪糕。呢个价钱嚟讲,都算系定价比较低嘅omakase lunch,可能餐厅位置系喺九龙就相对会平啲啲。点餐嘅时候,职员会mark返低你有咩唔食,然後等师傅再安排。今次个set 有海胆,拖罗同右口鱼等等嘅寿司。最令人印象深刻系鲭鱼腩卷!大部分香港人都会觉得鲭鱼比较腥而唔锺意生食。但呢个鲭鱼腩卷上面放左醋渍嘅白萝卜,同埋中间放咗紫苏叶,中和返普遍大家唔锺意嘅嗰阵腥味。整体味道非常之balance!而最後上埸嘅拖罗手卷同样有惊喜,师傅喺入面放左天妇罗脆脆,所以口感更丰富。整体而言,餐厅服务真系够晒贴心。因为朋友唔锺意食海胆,师傅会问清楚原因,了解返佢个口味而整返其他类型嘅寿司做替代。好似今次咁,师父就整咗赤鯥代替海胆比朋友试。同埋性价比都高,食材同师傅嘅手艺都系绝对对得住呢个价钱
更多
为左帮朋友庆祝生日,所以订左呢间新开嘅日本餐厅。其实之前食开嘅omakase都系喺港岛区,见呢间好似唔错就book嚟试下。

餐厅非常乾净企理,每张枱都已经放好咗消毒搓手液。职员嘅服务态度都唔错,我哋一坐低就好贴心咁即刻比篮我地放手袋。

因为我哋得两个女仔,所以就点左12件寿司set (每位$410)套餐有包埋蒸蛋,汤同埋雪糕。呢个价钱嚟讲,都算系定价比较低嘅omakase lunch,可能餐厅位置系喺九龙就相对会平啲啲。点餐嘅时候,职员会mark返低你有咩唔食,然後等师傅再安排。

今次个set 有海胆,拖罗同右口鱼等等嘅寿司。最令人印象深刻系鲭鱼腩卷!大部分香港人都会觉得鲭鱼比较腥而唔锺意生食。但呢个鲭鱼腩卷上面放左醋渍嘅白萝卜,同埋中间放咗紫苏叶,中和返普遍大家唔锺意嘅嗰阵腥味。整体味道非常之balance!而最後上埸嘅拖罗手卷同样有惊喜,师傅喺入面放左天妇罗脆脆,所以口感更丰富。

整体而言,餐厅服务真系够晒贴心。因为朋友唔锺意食海胆,师傅会问清楚原因,了解返佢个口味而整返其他类型嘅寿司做替代。好似今次咁,师父就整咗赤鯥代替海胆比朋友试。同埋性价比都高,食材同师傅嘅手艺都系绝对对得住呢个价钱。不过餐厅系行新派会席风格,所以好似我咁比较锺意食传统江户前style嘅人,可能一开始会有少少唔太习惯。但新派风格会有比较多炙烧类嘅寿司,所以相对地都会比较符合返整体香港人嘅口味。呢个价钱有咁嘅服务同食物质素,绝对值得翻兜。

餐厅得10个位同VIP房,如果想食就一定要提早book位啦。


34 浏览
0 赞好
0 留言
19 浏览
0 赞好
0 留言
16 浏览
0 赞好
0 留言
10 浏览
0 赞好
0 留言
5 浏览
0 赞好
0 留言
7 浏览
0 赞好
0 留言
6 浏览
0 赞好
0 留言
6 浏览
0 赞好
0 留言
鲭鱼腩卷
6 浏览
0 赞好
0 留言
拖罗手卷
3 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2020-12-06
用餐途径
堂食
人均消费
$451 (午餐)
庆祝纪念
生日
推介美食
鲭鱼腩卷
拖罗手卷