S2 鐵板燒 (已結業)

呢日嚟到佐敦嘅S2 Kitchen 歎鐵板餐。餐廳各處掛有好多七彩繽紛嘅日式旗幟，盡現和風格調。🇯🇵呢個A5和牛北海道原隻粒貝套餐 ($780/位)，有我最愛嘅和牛同粒貝，啱晒我口味。沙律先嚟個煙燻鴨胸沙律盛盒杯清新一下味蕾。三點刺身牡丹蝦鮮甜味美、三文魚油脂豐富，北寄貝爽甜，三款刺身都十分都唔錯。A5和牛薄燒 採用熊本A5和牛，牛味濃郁，油花豐富，有種入口即溶嘅感覺，和牛卷入邊包有野味嘅香蔥及炸蒜 ，味道濃郁豐富好食。北海道原隻粒貝 貝粒爽口嫩滑，味道鮮甜。配以清新爽口嘅青瓜粒及卜卜脆嘅蟹籽，口感及味道俱佳。法式煎鵝肝鵝肝口感香滑味道濃郁，配以黑醋醬汁及香脆嘅法式麵包，好食又唔油膩。S2特色黃金炒飯 飯粒炒得乾身夠鑊氣，加上入面嘅黑松露及雞蛋香蔥，又香又好食。S2鐵板紙包蜆湯以大蜆、海帶及秋葵做材料，大蜆及海帶嘅鮮味融入湯中，味道鮮甜，滋味好飲。燒野菜野菜鮮甜，炒得爽脆。甜品 鬆化嘅泡芙入邊係香甜嘅北海道牛乳雪糕，一啖一粒，過癮好食。這餐食物味道及服務，都十分優質，真係十分享受。