錦麗 (世貿中心) (已結業)

最近身邊好多朋友同我講，呢間錦麗好好食，係必食既過江龍，收工狗衝咗去食😂。其實我未食過越南既錦麗，所以純粹用個人口味黎評下呢碗究竟好唔好食🤤🤤。嗌咗碗錦麗綜合粉🥢，佢會跟埋一碗香料上。官方建議先飲一口湯，再整碎九層塔同鵝蒂等香草撕碎放入湯中，最後加入青檸辣椒同芽菜攪勻先食。我跟住佢建議先飲一口湯，味道香濃，有牛嘅鮮味係入面，真係都唔錯👍加哂所有香料，成碗河粉變得更酸更香，有返啲越式風味，而且味道清新，撈埋個粉食，味道好出好正呀🤤🤤而綜合粉配料有生牛肉、熟牛肉同牛丸。生牛肉係薄切牛肉，肉質嫩滑。而熟牛肉係類似牛腩，夠淋夠入味。而牛丸就有埋牛筋係入面，食落爽口彈牙。我同男朋友都覺得全部都唔夠牛味，如果牛味重成碗野會更上一層，但整體配料都唔差👍👍粵式炸春卷🥢餡料入面有木耳、紅蘿蔔同粉絲，都炸得夠香脆而不會過油，食法用生菜包住春卷同蘿蔔絲，再點埋附上既甜酸汁，酸酸甜甜又脆口，都係唔錯既小食👍👍整體我覺得湯底同河粉都唔錯👍配料可以再進步，整體唔差，難怪佢愈開愈多分店，呢隻過江龍值得一試嘅！😛😛味道指數：🌝🌝🌝🌝上樓指數：🌝🌝回頭指數：🌝🌝🌝⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免