Princese Cafe (已結業)

想搵個靜靜地o既場開飯,小鬼介紹呢度, 食物價位唔太貴, 所以叫咗一堆嘢食. 先嚟雞翼同沙律, 沙律個汁幾開胃,不過雞翼略嫌唔夠香口, pizza味道唔錯, 頗脆.另外再叫咗一個海鮮扁意粉同菇risotto,海鮮意粉睇落唔係好大碟,不過個汁好濃, 所以都幾飽,risotto真係煮得剛好,不過小鬼嫌有啲硬,各人口味唔同啦.最後試下佢哋推介梳乎厘同芝士餅,梳乎厘叫咗薑味,嚟到旁邊仲有蜜糖,不過唔用都夠甜,仲好薑,個梳乎厘都好大碗, 焗出嚟我哋見到都嘩嘩聲,高出個碗口成寸有多,想唔影低佢都唔得. 芝士餅都ok,可惜太忙於影梳乎厘,唔記得影餅.坐咗成晚都冇咩人,可能冇人知樓上有嘢食,都好,唔使咁鬼嘈.