新樂園魚蛋粉 (已結業)

自從中學畢業之後已經好耐無食過魚蛋粉，於是就諗住試下依間啦。剩睇鋪頭表面同普通魚蛋粉鋪無乜分別，唔算有特別大既期望。我叫左一個魚片頭米粉，一食落去就係有啲驚喜。食片厚身得黎，食落去爽口又夠味，唔似一般魚片魚蛋無乜整係得湯既味，口感同味道都唔錯。米粉爽得黎又好滑，我自己本身唔太鐘意太軟身既米粉，依間既米粉岩晒我口味，湯都幾好味。只不過鋪頭同一般既魚蛋粉鋪有同一問題，坐得唔係太舒服，又有啲熱，不過整體黎講好唔錯。