芝麻綠豆甜品屋

营业中

休息中

我其實唔係好鍾意食甜品，但係今日中秋節前夕比屋企人拉咗去食甜品咁啱試咗呢一間芝麻綠豆甜品囉，原來佢都幾唔錯個喎我哋三個人嗌咗西瓜冰涼粉、芒果紅豆綠豆肉涼粉同埋紅豆杏仁。我個人最推薦芒果紅豆綠豆蓉涼粉，佢啲紅豆好飽滿同埋好甜，好似喺日本買返嚟嗰啲咁，芒果酸酸地甜甜地好啱呢一個季節，綠豆蓉就啱晒我清熱去濕，佢嘅賣相都唔錯，成個配搭嘅都好好味。至於我個朋友嘅西瓜冰涼粉簡直係消暑佳品，冰冰涼涼十足九分食嘅刨冰咁，勾起我對台灣嘅回憶。不過我自己唔係太欣賞紅豆杏仁，呢啲太養生嘅嘢都係唔啱我，下次我都係叫friend不如嗌燉蛋仲好，皆因我見隔離嗰台好鬼死正