位置方便，地鐵站上蓋
尖沙咀中菜必選
今次多人一齊食晚餐，叫左套餐唔洗煩
菜式因為店員預先幫手分好，所以賣相影得唔太靚😅
晚餐（$800/位，茶錢及加一另計）
🦪冰鎮鮑魚
🍐話梅石榴
🐷脆皮BB乳豬
呢三款都係頭盤，話梅石榴幾特別，不過唔係好食到話梅味
乳豬好香脆😆
鮑魚值得讚既係已經切好，一夾就食到好方便👍
3
🥣響螺瑤柱冬瓜盅
冬瓜盅好足料，仲有蝦
好甜好好飲😋
🦪燒汁香煎元貝皇
呢個煮法既元貝都係第一次食，又幾特別
而且元貝好軟林，唔會韌🤗
鮮果咕嚕蝦球
蝦球整得好惹味，蝦亦好新鮮彈牙😋
有朋友以為係咕嚕肉，咬落先知原來係蝦黎🤭
🐟清蒸東星斑
魚蒸到岩岩好熟，所以唔會魚肉唔會鞋
秘製茶燻雞
講到秘製仲期望會好好食
點知食落有啲失望，味道唔係好夠，有啲淡
唔太特別
🥦上湯白菜仔
🦞龍蝦湯泡貴妃飯
湯飯係最好食果款，飯入面撈左脆米👍
令到成個飯好有咬口，好特別😋
龍蝦湯亦都好甜，有幾個朋友都忍唔住食左兩碗🤭
🥥日本鮮果雪芭
鮮果雪芭用左椰子做
質感有啲似雪糕，好香椰子味，不過有啲甜
放左一段時間都唔會溶，又幾得意
