吞POT 雞煲火鍋.住家菜 (山林道) (已結業)

呢間吞POT 雞煲 ，之前同明友係旺角店試過，覺得水準唔錯。 諗住再 encore， 原來山林道有分店，上星期去咗試下。位於銀座38號，12樓嘅吞pot雞煲火鍋，沿 google map 找都不太難，只係大廈外觀似商廈。一出𨋢，已經見到好當眼嘅 Logo， 店員 好有禮貌及主動介紹招牌菜。胡椒豬肚上湯雞煲入口鮮甜， 裏面放著大量黑椒、黑麻籽。要注意係熱湯必須慢慢飲，就唔會有搶喉嘅感覺。 配料有草菇仔、 支竹及粟米。 雞件嫩滑，而且雞湯十分creamy 好似有起膠嘅感覺!美國手切肥牛顏色鮮豔， 感覺亦新鮮， 而且排列有序，賣相唔錯。要讚一讚係呢度嘅手切肥牛，厚薄剛剛好，而且肌肉紋理分明，入口嚼感十足！大火落鍋，待肥牛剛轉微微粉紅，入口至佳，肉汁豐富，完全唔韌！手打滑嘟嘟 分別有蝦滑，墨魚滑及鯪魚滑。 真心覺得爽口！