天天海南雞飯 (太古城中心)

昨晚跟朋友來到太古城中心嘅「天天海南雞飯」食晚飯。

火焰石燒沙嗲串串
呢個串燒係必點嘅小食，雞、牛、豬各兩串，串燒表面微微焦香，但裡面肉質仍很軟嫩，再配以特製嘅沙嗲醬，令到口感更為豐富。

天天燒雞
呢碟燒雞好大份，雞嘅外皮燒到好脆口，而裡面嘅雞肉重好滑嫩，配埋豉油膏、薑蓉、辣椒醬等配料，更能提昇雞味。

黑胡椒羅氏蝦粉絲煲
熱爐暖住個煲上枱，打開煲蓋，4隻超大羅氏蝦鋪在香噴噴嘅粉絲上，羅氏蝦嘅肉質好彈牙兼鮮嫩多汁，吸收咗黑胡椒嘅香味，好味到難以形容。而粉絲夠晒軟糯又富彈性，每一口粉絲都掛上滿滿蝦肉汁和黑胡椒嘅香氣。