1987 Plus

营业中

休息中

今次和朋友吃午餐，我叫咗是日精選，朋友叫咗加拿大無骨豬扒配薯條（$98）。無骨豬扒好多人叫，因為厚切啖啖肉，肉質都算嫩。是日精選有兩款，我叫嘅係本地莧菜忌廉闊條麵配比目魚（$128）。忌廉味夠濃，莧菜新鮮，闊條麵掛汁，比目魚魚皮香脆，肉身嫩滑。每個午餐都跟是日精選頭盤，我哋食嘅係用酒浸過嘅西瓜、蕃茄芝士同雜菜沙律。剩係個西瓜就知餐廳肯花心思，西瓜夠沙好甜，帶點酒和薄荷味，在夏天吃特別清爽。我自己加點咗個是日餐湯（+$10），南瓜忌廉湯。南瓜味濃郁，忌廉湯香滑，和麵包一起吃，特別滋味。最後叫咗杯凍檸茶（+$6），茶味都算濃，夠晒凍，爽呀。以上價格需另加一服務費