串王之王 - 正宗成都串串火鍋 (已結業)

話說有個朋友對麻辣火鍋湯底好有要求，同佢一齊食過幾間都話個湯底唔得，比起大陸嘅味道差好遠，見呢間餐廳新開，而且有68折即刻同呢個frd去試試。 我地分別叫左麻辣中辣同菌湯。一試個湯底朋友即刻表示十分滿意，辣度剛好，菌湯都好香。因為太辣關係，我一直都係食菌湯算😂😂形式同大陸差唔多，出面有個雪櫃，分別將野食串好晒一串串，之後自己想食咩就拎咩，埋單計你食左幾多串，另外仲有一盤盤可以拎，就跟據盤個顏色分價錢。但因為我地的兩個人，一盤份量太多，所以我地都係食串多。 仲有海鮮/肉類可以揀， 野食種類其實都算多，都算新鮮。另外仲有一個特色野就係麻油，呢度調味料冇豉油，有麻油，呢個麻油不得了，勁香，同野食出奇地夾，完全係為野食加左分！