紫 (已結業)

只有头二十分钟满意！Dining 餐厅需要多项因素例如：环境、食物、厨师、气氛、服务等等....配合得好先可以成为高级食府。紫 有住成为高级食府基本条件，但可惜现在只系一间贵价餐厅！ 由一踏入紫，装修、摆设、餐具甚至洗手间都花左不少心机，令我觉得今次无拣错餐厅庆祝！但未食到主菜已经改变左睇法。第一服务人员提供既服务基本系好好，但在你可以揾到人既情况下，用餐当晚，入座不够一半枱，但已经有好几次揾唔到人。第二，厨师人手不足？喺食完餐前面包，经理向我地致歉，直认不讳讲师傅有D忙，可能会等耐少少，先俾D小食我地，边食边倾边等。于是我地边食送既枝豆边倾边等，一等就二十分钟。其实到尼刻都仲觉得可以接受 , 起码有通知一声，又送枝豆即使唔太钟意食枝豆，但安排得宜。可惜之后每道菜之间都等10-15 分钟，厨房在上菜控制的确扣分!成餐饭食左超过三个钟同食一餐八道𩠌法国餐差不多。第三，喺尼三个几个钟入面大部分时间，餐厅环境，都处于街市般！铁板烧房内的客人大声叫嚣，四、五个小朋友通餐厅跑黎跑去，又叫又跑。完全破坏气氛，嘈到令人烦厌既地步。明白客人的举止、礼仪，餐厅好难选择，控制。但至少当场人员要管理一下餐厅