樂香園咖啡室

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！

同友人去開中環整西裝，事前一齊食個lunch，佢提議樂香園嘅滑蛋叉燒飯，就即管去朝聖下。位置中環同上環中間，都幾唔就腳，由中環站行左十分鐘先去到。坐低望下餐牌，lunch $42 ok啦，睇真d原來唔包野飲！老牌餐廳但係餐牌中英對照，明顯有好多遊客慕名而來，而我最怕呢類店鋪...不過坐低左就算！

滑蛋叉燒飯
我諗都唔諗就叫滑蛋叉燒飯，上菜好快，蛋的確係幾滑，無他嘅因為都真係好生下，至於叉燒又瘦又薄，我就覺得麻麻地，但係蔥同甜豉油救番個飯，整體我俾3粒半星

滑蛋叉燒飯

$42

香草雞扒飯
同行友人嘅香草雞扒飯就真係一眼睇哂，無乜好發表

香草雞扒飯

$42

可能你會話"呢度中環食野係貴架啦"，OK我接受，但係質素都可以好番少少呀嘛？俾我感覺係有d似似做到出名就唔憂做個隻。我要性價比可以行上d去四季，要好味嘅蛋叉飯又可以去旺記，所以應該無下次。
如果你喜歡我的食評，請按推薦給予小弟少少鼓勵，謝謝！