三郎日本料理 (已結業)

嗌左三文魚海膽飯同埋唐揚炸雞拉麵，晚市黎講價錢好平，雖然舊海膽細左d 🙈 但味道鮮甜👍🏼同埋好大碗飯呀！朋友叫既拉麵餐，仲包埋三文魚刺身、雜菜沙律同中華沙律，佢話味噌比較淡，d雞都有少少唔熟，我個餐仲有埋麵豉湯添，好抵！其實本身兩個餐應該包埋汽水，但由頭到尾侍應都冇向我哋提及過有汽水包埋，加上我哋本身唔飲汽水，所以都冇叫佢拎汽水嚟，但呢一點有啲怪。其他部份來講，服務態度都算好好。如果想試吓平價日本菜嘅話，可以試試，但唔好期望食物好高質。