點心皇 (已搬遷) 新店位置

仲記得十幾歲嘅時候，經常都會響銅鑼灣「打躉」以前無而家咁旺、燈火通明，夜媽媽幾個女仔肚餓去得邊丫？加上學生妹錢又無幾多，２４小時營業嘅點心皇就成為咗最好嘅選擇之一了～但自從灣仔海旁店結業之後，就無機會再去了（亦唔知邊度有分店）最近先知，原來仲有舖係時至今時今日都仲未結業（失禮哂）某日男友夜媽媽話肚餓，就陪佢去食了鳳爪排骨飯，不過不失，對番價錢份量唔算少一分錢一分貨，睇佢咁足料已經算好抵！蒸牛肉，呢味我不嬲都唔食，無食後感不過見佢大大粒咁，至少好抵食！流沙奶皇包，比想像中好，而且真係流沙！佢嘅流沙係好原始果種，食落有蛋黃蓉有「沙」嘅感覺，唔似得而家果啲所謂流沙奶皇，似吉士多過奶皇而且食點心最緊要熱辣辣，尤其係蒸包呢個包除咗夠「流」之外亦好香，而且唔會太甜，平靚正！