三點三冰室

营业中

休息中

公眾假期都唔滿座係有原因嘅，全店4-5個侍應，但就只會圍埋傾偈，夢遊般係餐廳行下先行下後，你有你伸手，佢有佢眼望天眼望地，總之唔望你，傾得開開心心一於話之你！本人第一次幫襯，唔知原來全店自助式服務，你問佢邊度拎叉拎筷子，佢就冷漠敷衍話你知係自己枱櫃桶拎，但個櫃桶既設計好似唔預你開到咁，水當然又係人客自己斟啦！食物價錢唔係平，食物味道質素一般，呢類茶餐廳，幫襯過一次就夠，飲食業嘅競爭，服務態度係不可忽視嘅一環，難怪香港人寧願坐多一頭半個鐘車都要北上消費，起碼食得開心又感覺被尊重。