喜咖哩 (已結業)

晨早流流，因為通宵工作，打算落公司樓下食個早餐，叉個電再繼續返工。去到餐廳點咗個成日食嘅沙爹牛肉餐肉鮮奶炒蛋豬骨湯螺絲粉。$35唔貴，同附近餐廳比，呢個算性價比高，每次黎食早餐都係食到勁飽。先講個面，唔硬唔軟，煮得啱啱好，沙爹牛肉規規矩矩，牛肉味重，一碗麵落勁多料，沙爹牛肉最後都係食剩咗少少，因為飽得濟。炒蛋午餐肉同埋多士飛邊，上到檯都係熱辣辣，唔似其他餐廳咁，一上檯就凍晒。另外好快上檯，我點完餐後10分鐘內到。總括而已，呢個餐性價比高，質素高。早餐食得咁飽，一日工作都開心D。