影片
更多
2019-10-11
34 浏览
年頭去台灣，都已經有好多新派嘅牛肉麵、拌麵盛行，好多鋪頭都要大排長龍，更加推出自家產品，好多即食麵都可以喺超商買到。香港最近都引入唔少來自台灣嘅品牌，呢間老媽拌麵由A Lin代言，我有追佢fb，所以都不時見到宣傳照老媽拌麵位於荃灣廣場，喺一田買完少少野就過來食飯，晚市大約8成滿座，不過要留意，過左8點零鐘，都有唔少野賣哂。呢度座位不少，木色枱櫈，一般台式野咁嘅格局。入座後，店員遞上餐牌，我地都快快落單，埋單就由客人自行到收銀處。menu幾簡單，麵類分拌麵同湯麵，拌麵6款，有炸醬拌、花雕雞、麻辣牛肉、蔥油雞、擔擔麵同蕃茄雞蛋，價錢係52至78蚊。至於湯麵有5款，有川味三寶牛肉、紅燒半筋半肉、紅燒牛肉、清燉牛肉同美人雞湯，價錢係72至82蚊。麵底可以揀關廟刀削麵或者細麵。台式飯就有滷肉飯同香香雞飯，另有小食例如滷味、水餃、台灣腸、花枝丸等。飲品都係台式，例如鮮奶茶、黑糖朱古力、冬瓜、冷泡茶、仙草茶等，全部都係單點，所以眼見就唔係好多人叫。川味紅燒半筋半肉牛肉麵 (刀削麵)呢個牛肉麵幾好食喎，驟眼睇份量唔多，食落都夠嘅，分別有兩大件牛肉同牛筋，仲有菜同蘿蔔。湯頭油份唔多，幾香，一貫台灣牛肉麵
老媽拌麵位於荃灣廣場，喺一田買完少少野就過來食飯，晚市大約8成滿座，不過要留意，過左8點零鐘，都有唔少野賣哂。呢度座位不少，木色枱櫈，一般台式野咁嘅格局。入座後，店員遞上餐牌，我地都快快落單，埋單就由客人自行到收銀處。
menu幾簡單，麵類分拌麵同湯麵，拌麵6款，有炸醬拌、花雕雞、麻辣牛肉、蔥油雞、擔擔麵同蕃茄雞蛋，價錢係52至78蚊。至於湯麵有5款，有川味三寶牛肉、紅燒半筋半肉、紅燒牛肉、清燉牛肉同美人雞湯，價錢係72至82蚊。麵底可以揀關廟刀削麵或者細麵。
台式飯就有滷肉飯同香香雞飯，另有小食例如滷味、水餃、台灣腸、花枝丸等。
飲品都係台式，例如鮮奶茶、黑糖朱古力、冬瓜、冷泡茶、仙草茶等，全部都係單點，所以眼見就唔係好多人叫。
川味紅燒半筋半肉牛肉麵 (刀削麵)
呢個牛肉麵幾好食喎，驟眼睇份量唔多，食落都夠嘅，分別有兩大件牛肉同牛筋，仲有菜同蘿蔔。湯頭油份唔多，幾香，一貫台灣牛肉麵就唔會好辣好辣，純粹吊吊味，最重要係食哂飲左好多湯，都唔會好口渴
牛肉幾腍，唔會太瘦，幾有咬口。
我幾鐘意牛筋，煮得超腍，好有骨膠原感覺。
至於刀判麵都幾特別，薄身煙韌，唔會好粉，比細麵出色
美人雞湯麵 (細麵)
相對來講，雞湯麵較普通，冇牛肉麵性價比咁高，但就適合鐘意清清地嘅麵食嘅朋友
湯頭好清，帶幾香雞味，完全無負擔感。雞肉數件，質素平平，肉質偏老。細麵有少少似日式拉麵，幾掛湯，唔會煮得太腍。
小食點左滷鴨舌同花枝丸，兩款都唔錯啊，前者幾入味，妹下妹下幾過癮；後者彈牙，沾少少醬汁，幾正。
飲料唔錯喎，尤其呢杯仙草茶留意孕婦係唔飲得嘅。仙草幾香，入口滑嫩，令我諗起台灣。而荔枝綠茶都唔會太甜。
张贴
