📍中環砵典乍街16號太富商業大廈地舖
紀念日第4 個活動就係Omakase 🫶
👨🍳 鮨 中本由來自北海道 中本正紀 師傅主理，位於中環砵典乍街地鋪，地理位置優越！店內Bar枱可容納人數約10位客人，即使午市都座無虛席，想食就必須事前做好準備！
🍣今次品嚐左15 貫Omakase Sushi $1180
1. 鱸魚：口感同鯛魚相近，比較柔軟，味道清幽淡雅
2. 鰤魚：口感鮮滑細膩，油脂豐富，個人喜愛🫶
3. 剝皮魚配魚肝：奶白色嘅魚身質感較紮實且淡口，配搭魚肝帶出清甜及 creamy 口感
4. 赤身吞拿魚：配以醬油漬嘅赤身吞拿魚雖然油脂較拖羅少，但魚味濃且口感軟嫩
5. 中拖羅：脂肪較赤身高，油脂分布平均，鮮味甘香，入口即溶
6. 大拖羅：吞拿魚中魚脂最高嘅魚腩位置，厚切，油脂極豐富，肥美甘甜，餘韻悠長！又一個人喜愛 🫶
7. 車海老：師傅即蒸即剝，暖暖的，鮮甜爽彈
8. 魷魚： 魷魚配以柚子鹽，非常鮮甜
9. 小肌魚：小肌魚被喻為江戶前時代最有代表性嘅壽司料之一，多用糖醋醃製，只有日本海域出現。同青魚口味相近，肉質幼嫩。
10. 池魚：池魚配蔥蓉，口感清爽，入口魚脂味濃，壽司飯內包紫蘇葉，味道清香，紫蘇葉除左袪腥外，更有暖脾胃功用。又一個人喜愛🫶
11. 鲭魚：糖醋味香甜，魚脂甘香肉質細嫩
12. 馬糞海膽：味道濃郁甘甜，口感嫩滑
13. 象拔蚌：磯燒過嘅象拔蚌，更加鮮香，肉質爽脆
14. 碎蔥吞拿魚腩：碎蔥帶出香甜魚脂嘅鮮甜，油脂豐富
15. 燒鰻魚 ：有別於一般鰻魚，肉質極嫩滑，入口即溶，鮮甜味濃，又一個人喜愛🫶
16. 玉子燒：運用左江戶前做法，口味極似crème brûlée, 入口即溶，一向對玉子燒冇乜好感，所以非常有驚喜！極回味🫶
甜品：
🍧柚子雪芭 ：清甜柚子味濃
🍨乳酪藍莓醬 ：基本上係blue berries New York cheesecake 嘅味道！幼滑濃郁，好好味🫶
♥️ 鮨 中本 師傅功架十足，用料上乘，亦保留傳統風味！服務非常貼心殷勤，第一次omakase 職員會幫客人換茶 （係整杯換）！而且好留意客人一舉一動送上服務，有賓至如歸嘅感覺！席間亦有唔少日本客人，質素絕對有保證！
