影片
更多
2024-11-09
743 浏览
間唔中就會心癢癢想食韓燒，搵左日約埋朋友一齊黎到長沙灣嘅「會長之家烤肉」食烤肉。餐廳嘅裝修都幾有韓國當地餐廳嘅氛圍，好似真係走左轉韓國食燒肉咁！呢到除左單點仲有套餐提供，我地唔想煩叫咩就即刻點左個會長韓牛海鮮套餐，呢個set夠3-4個人食！店員將所有食材以一圈嘅形式圍住個爐，賣相睇落好澎湃！而呢個套餐仲好豐富，除左有唔同款式肉類、海鮮for燒烤之外，仲有兩款小食，包括脆炸紫菜粉絲卷同埋脆炸雞翼配孜然醬。兩款都好香口又好味，尤其係雞翼嘅孜然醬特別惹味！ 燒烤食材方面都好多樣化。有美國牛舌芯、M6澳洲和牛小柳、M8澳洲和牛內裙肉、韓牛肉眼扒、西班牙黑毛豬肩胛肉、西班牙黑毛豬肋條。海鮮就有阿根廷珍寶紅蝦、韓式燒鰻魚、魷魚、扇貝、青口。肉類同海鮮嘅質素都唔錯，而且肉類涵蓋埋牛肉同豬肉，滿足到食肉獸！韓牛肉眼扒最正最深刻！肉味濃厚，但又唔會覺得油膩。西班牙黑毛豬肋條肉質爽口，肉味亦比一般豬肉突出！海鮮方面最滿足係呢個set有埋韓式燒鰻魚。店員會幫手燒鰻魚，燒到皮脆肉嫩，唔洗額外點醬汁已經好味。其他貝殼類海鮮都好新鮮鮮甜，尤其係紅蝦好彈牙。另外見到竟然有得燒埋牛腸就順便試埋。食落好重油脂香，雖然邪
餐廳嘅裝修都幾有韓國當地餐廳嘅氛圍，好似真係走左轉韓國食燒肉咁！
呢到除左單點仲有套餐提供，我地唔想煩叫咩就即刻點左個會長韓牛海鮮套餐，呢個set夠3-4個人食！店員將所有食材以一圈嘅形式圍住個爐，賣相睇落好澎湃！
而呢個套餐仲好豐富，除左有唔同款式肉類、海鮮for燒烤之外，仲有兩款小食，包括脆炸紫菜粉絲卷同埋脆炸雞翼配孜然醬。
兩款都好香口又好味，尤其係雞翼嘅孜然醬特別惹味！ 燒烤食材方面都好多樣化。
有美國牛舌芯、M6澳洲和牛小柳、M8澳洲和牛內裙肉、韓牛肉眼扒、西班牙黑毛豬肩胛肉、西班牙黑毛豬肋條。
海鮮就有阿根廷珍寶紅蝦、韓式燒鰻魚、魷魚、扇貝、青口。
肉類同海鮮嘅質素都唔錯，而且肉類涵蓋埋牛肉同豬肉，滿足到食肉獸！韓牛肉眼扒最正最深刻！肉味濃厚，但又唔會覺得油膩。
西班牙黑毛豬肋條肉質爽口，肉味亦比一般豬肉突出！
海鮮方面最滿足係呢個set有埋韓式燒鰻魚。
店員會幫手燒鰻魚，燒到皮脆肉嫩，唔洗額外點醬汁已經好味。其他貝殼類海鮮都好新鮮鮮甜，尤其係紅蝦好彈牙。
另外見到竟然有得燒埋牛腸就順便試埋。
食落好重油脂香，雖然邪惡左啲不過係好味嘅！
张贴
