來佬餐館 (已搬遷) 新店位置

突然想食焗豬扒飯，原先想去太平館，不過記得呢間來佬餐館做呢類野，又未食過，又走上黎試試這邊的水準。唔係太肚餓既關係，要個雞翼餐加個焗豬飯，就算了。雞翼餐有湯有餐飽，湯唔係稀釋版，尚算濃郁，都收貨的。餐飽微暖，鬆軟度一般。仲有個蝦沙律，蝦有點雪味，水準麻麻既沙律。主角雞翼一份六隻，汁沒有一般瑞士汁既甜，有返點鹹道，個人就喜歡甜一點，不過這裡的其實都唔差。焗豬扒飯，面頭有隻荷包蛋，賣相吸引。蕃茄未係好蓉，有一點點蕃茄粒，多返一份自然酸味，都幾唔錯。不過豬扒就較為失色了一點，雖則厚度適中，不過未算鬆化，還要是偏向硬的，相對就一般了。個餐仲有個果凍，雜果粒幾多下，都幾好味。餐飲要紅豆冰，冰一大舊，椰汁大概半杯到，這做法已經唔係好多地方咁樣做，唔係奶水一杯，紅豆亦夠蓉，是不錯的紅豆冰。價格唔平，不過中環區，都算係咁樣，焗豬飯就一般般，再黎，真係睇緣份。