佛羅倫斯牛肚包

营业中

休息中

位處堅道住宅區為主，距離行人電梯區域一街口之隔，但氛圍淡靜得多。主打佛羅倫斯牛肚包。 據聞係當地嘅街頭食物，而為咗令出品保持原來神髓，店主堅持用返當地食材製作。烘香左嘅麵包，包含住滿滿嘅牛肚。牛肚煮得好淋，淡淡既調味恰到好處，既保留到牛肚原味，又唔會有一陣難聞既內臟味。店員會問你要唔要辣，記住一定要。個汁其實唔係咁辣，但係有滿滿嘅香草味，令到整個包嘅味道升華。牛肚包之外，用咗蕃茄同香草煮嘅金錢肚都值得推介。