晴の居酒屋 (裝修中)

今日約咗朋友去西九chill下,朋友話想食日本嘢，就揀咗呢間居酒屋，一入到去就好似去咗日本咁,裝修充滿日本風格又播住日文歌,定食價錢亦都好合理。我揀左鮪魚腩蓉帆立貝魚生丼,朋友就揀咗東京時令壽司定食(七貫)配牛肉烏冬,仲嗌咗雞軟骨串,厚燒牛舌芯同鹽燒黑豚腩串燒嚟食,而每個定食都附送沙律同味噌湯 。魚生丼吞拿魚腩蓉超足料將飯完全覆蓋，吞拿魚腩 充滿魚香味加左香蔥增添香口,飯質黏得 黎唔會一pat pat, 啖啖飯都食到魚蓉。壽司定食每款都幾好,魚生同飯比例適中,肉質鮮美,飯同肉唔會分開跌出黎。朋友覺得最出色係赤貝同埋帆立貝。 雞軟骨串雖然調味簡單,但食去有一番滋味 牛舌芯柔嫩得來又彈牙,牛味好濃郁 黑豚腩肥瘦均勻,有油香調味啱啱好,令人回味無窮!