揀嘢食之前首先叫咗開胃清涼酸梅湯，酸酸甜甜，非常好飲。
湯底揀咗冬瓜瑤柱鍋，清清地又健康，又唔驚搶曬海鮮啲味。
先嚟刺身魚生拼盤，有十件三文魚、章魚同希靈魚，幾高質，新鮮美味。
然後就係海鮮火鍋配料，我哋揀咗澳洲帶子片，輕輕擺落火鍋淥一淥就食得，好鮮甜。
生猛海中蝦，超新鮮，上菜嘅時候隻蝦仲識郁㗎！
頂級雪花肥牛，油脂分佈得幾均勻，夠哂肥美食落去好滿足。金菇肥牛卷，第一次用邊爐方法煮熟，幾平日煎嘅煮法清新健康。
汕頭牛丸，牛味夠重。
手打蝦滑，鮮味十足，份量都好足夠。
我哋追加咗美國桶蠔，好多粒仲好大隻，全部都好好肉地。
鎮店水餃皇，係一大亮點，真係好足料，啖啖蝦肉，包到脹卜卜。
我哋仲叫咗娃娃菜、爽口嘅萵筍片、翠綠嘅油麥菜，減輕下罪惡感。
1
最後仲有甜品椰子糕同埋杞子糕。
