咖哩葉

营业中

休息中

成日去開旺角尖沙咀食飯，都有啲悶㗎，今晚放工就約咗朋友嚟到佐敦試吓新菜式，一直都好想試吓印度菜，所以就搵咗間嚟食啦！😆一開始佢會有個前菜俾你，有幾塊印度脆餅，可以點佢啲醬汁一齊嚟食，有綠色酸味嘅，或者紅色有辣椒辣味嘅，又酸又辣的開胃菜都幾醒神㗎！我點左香滑牛油雞，用咗香辣番茄烹調雞肉，再用牛油晚煮，所以食起嚟唔會話好辣，比較啱香港人口味，最鍾意佢有陣陣牛油香味，不過用牛油煮就會比較油膩，所以我都係隔起啲油黎食咁就ok啦！食印度菜梗係要食埋印度烤餅啦！佢本身有分硬身或者軟身嘅，我自己比較鍾意食軟身，所以我就叫咗個蒜蓉烤餅，口感軟林林咁，配埋咖喱雞夾住一齊食😋，咁就Perfect match！另外叫咗個素食咖喱角，佢同港式咖喱角梗係唔一樣啦，入面有啲薯仔、青豆、堅果，仲好大粒添，幾有份量感都幾飽肚㗎！飲品我就叫咗芒果奶昔，同埋一杯青檸梳打。總結，想試吓好食嘅印度菜可以嚟佐敦呢度食，而且店員都會介紹啲菜式俾你，我鍾意食佢哋嘅印度咖喱，幾岩我口味！