川燒 (已結業)

同幾個朋友響圓方睇完戲，大家都想食埋夜晚先走，所以就落左黎佐敦食串燒。呢度啲野都幾好食，所以夜晚都幾多人，想食記住打黎book定枱。燒蘇格蘭蟶子王超大隻又厚肉，燒既時間恰當，食落好多汁，鮮甜又爽口，必嗌！魚湯清酒煮花甲啲花甲好肥美，一啲沙都冇，個湯好鮮甜，抵讚。黑松露燒腐皮溫泉玉子，第一次見呢款配搭，幾搞鬼，可以一試。燒一口脆腐乳，平時燒野食最鍾意嘅就係燒豆卜，呢個係進化版，入面會爆啲腐乳出黎！手打免治雞肉棒，肉質幾嫩！蜜糖燒菠蘿，好juicy，燒完既菠蘿暖暖地，食落特別甜。