雲壽司 (已結業)

迷你蟹籽沙律，店員服務態度很好，帶到座位之後，會告知背包可放在那裏，並詳細講解現時太子分店，只要掃一掃code like社交平台就會有一份迷你蟹籽沙律，作為前菜醒胃一流。三文魚親子丼($88)，三文魚肥美，入口充滿油脂香味，而且仲係厚切，啖啖肉，三文魚籽在口腔內爆開，口感層次豐富。壽司拼盤($180)，十貫壽司，我覺得價錢好抵食，味道方面唔逐一解說，但有幾款令我留下深刻印象，真鯛肉質軟綿綿，近魚皮位置就帶有爽口，辣味三文魚雖然望落普通，但辣味和三文魚混合埋一齊，果然天衣無縫地咁夾，帆立貝又軟又滑既口感。