紅螞蟻 (已結業)

好耐冇去幫襯紅螞蟻喇，知道佢響沙田開左分店，上星期日即刻去試試先！呢間新舖裝修得好幽雅，大部份傢俬採用白色，設計趨向西式。同女友點了兩個lunch set ($58)，包一杯飲品(我地叫左西瓜汁)，免加一收費。呢度見唔到之前食評所講既服務不周，可能新員工已經熟習左啦，值得一讚。咖喱忌廉汁田螺肉燴天使麵唔錯喎，咖喱加忌廉汁唔辣o既，最意外係佢加左好多什菌落去，好開心。千島汁焗牛油果龍柳飯就中規中距啦。見到隔離檯叫左個疏乎厘，賣相好吸引，可惜我地太飽，食唔落喇～