更多
2019-08-24
3446 浏览
间唔时都会经过呢间餐厅,不过见到menu始终都觉得唔算平,所以一直都无冲动入去试下,但同事都推介过fifty fifty😬。因为朋友今日又喺长沙湾返工,可以陪我食饭,所以决定食好啲😝。嚟到fifty fifty第一样嘢发现系佢哋会每张枱放咗张纸写系无餐牌嘅餐厅,上面印咗个QR code,但呢张纸咪又系嘥纸🙈,不过可能可以免却改menu要重新印过挂。题外话,餐厅亦系唔系唔会主动提供饮管,抵赞👍🏻。餐厅每日有7-8款午餐拣,而且真系会换款的,变相会嚟食多几次。午餐包是日餐汤同$20以下嘅饮品,即系冻柠茶都要加+$2😂,都ok啦。我哋share食,叫咗烧春鸡配焦糖热情果汁(配薯菜)($78)同烧澳洲肉眼扒配牛肝菌汁(配意粉)($88)。是日餐汤系南瓜🎃汤,可说系佢哋嘅招牌,因为用忌廉写咗”50 50”,但我觉得有少少稀,味道就无乜特别。至于主食嚟喇,两样都大大碟,而且配有唔少蔬菜🥕🥦,卖相吸引😍。首先系烧鸡🐔,好大只下,而且肉嫩唔会㶶,肉本身无腌味,主要靠个汁,但个汁甜甜地好少酸真系好正又好开胃👍🏻👍🏻,令到成碟菜式升华哂,而且啲薯蓉衬埋个汁直头令我同个朋友争食咁济😂。至于块牛扒🥩,本身无特
嚟到fifty fifty第一样嘢发现系佢哋会每张枱放咗张纸写系无餐牌嘅餐厅,上面印咗个QR code,但呢张纸咪又系嘥纸🙈,不过可能可以免却改menu要重新印过挂。题外话,餐厅亦系唔系唔会主动提供饮管,抵赞👍🏻。
餐厅每日有7-8款午餐拣,而且真系会换款的,变相会嚟食多几次。午餐包是日餐汤同$20以下嘅饮品,即系冻柠茶都要加+$2😂,都ok啦。我哋share食,叫咗烧春鸡配焦糖热情果汁(配薯菜)($78)同烧澳洲肉眼扒配牛肝菌汁(配意粉)($88)。
是日餐汤系南瓜🎃汤,可说系佢哋嘅招牌,因为用忌廉写咗”50 50”,但我觉得有少少稀,味道就无乜特别。
至于主食嚟喇,两样都大大碟,而且配有唔少蔬菜🥕🥦,卖相吸引😍。首先系烧鸡🐔,好大只下,而且肉嫩唔会㶶,肉本身无腌味,主要靠个汁,但个汁甜甜地好少酸真系好正又好开胃👍🏻👍🏻,令到成碟菜式升华哂,而且啲薯蓉衬埋个汁直头令我同个朋友争食咁济😂。
$78
24 浏览
0 赞好
0 留言
至于块牛扒🥩,本身无特别高期望,因为觉得块扒应该普普通通,如果扒质素一般点整都唔会好食得去边。但呢块扒无俾我睇死㖞,首先佢好大块👍🏻,而且肉味浓郁,肉质口感好,唔会有太多筋😍。个牛肝菌汁亦好好味,啱配红肉食,但又唔会太浓抢味。唯一要弹下系个意粉麻麻,唔挂汁,份量又少,早知要埋薯蓉好过。虽然系咁,都无阻份牛扒嘅美味😋。
$88
26 浏览
0 赞好
0 留言
由于个朋友太大食😂,所以叫多咗甜品食,系芝士蛋糕🍰配朱古力酱(+10),唔算好细件,芝士味亦都算浓,唔错,满足嘅一餐。
总括嚟讲,我好开心发现咗呢间咁高质(虽然价格喺呢区嚟讲算贵)嘅西餐厅,以后有多啲选择👍🏻,而且餐厅亦算好大,相信一般应该都唔使等位。食物同环境都好好,适合喺呢区返工想食得好少少或者老板想请食Team lunch的地方哈🤣。
张贴