慢煮屋

駱駝漆好多好嘢食，而慢煮屋就係11／F嘅幾間黃店之一。

見個三文魚丼好特別，又有牛油果同火龍果咁就試下。咦食落去有點驚訝竟然係熱嘅，雖然三文魚份量唔多，但係超級嫩滑仲充滿三文魚油味，係驚為天人嘅健康之選！

慢煮三文魚配牛油果丼

慢煮三文魚配牛油果丼

另外食火炙牛最忌就係啲牛煮得太韌，但因為係用慢煮烹調，所以啲牛依然係好香嫩同時保留足夠肉汁，份量亦都好多！好飽呀！

慢煮火炙牛腹扒丼

除咗牛同三文魚，仲見佢仲有慢煮雞胸同豚肉，非常之吸引！即使佢哋嘅裝修普通簡單，而座位亦比較迫坐得唔舒服，但因為食物質素絕對會再訪，值得支持！