老點里 (已結業)

佐敦區真係估唔到咁細間舖，用一D普通嘅食材，可以有咁嘅效果，唔係夸張講，味道直情一級食府咁嘅級數，我個人覺得價錢絶對超值！有幾個餸必定會食多幾次，紅咖喱汁脆皮牛腩、欖角一字排、炒龍躉球、仲有個啫啫蝦乾通菜惹味到不得了，加埋飲嘢埋單只不過6舊水鬆D！見到隔離枱有幾個餸色香都掂，味就要下次食過先知，但應該都唔會差得去邊，老細同伙記都好友善，環境氣氛唔似一般中菜，仲有歌聽住食，咁細間舖，真係難得咁有head經營！值得寫多幾隻字推荐畀大家。