影片
更多
2024-01-18
1101 浏览
过亲嚟屯门买野都想入去㗎啦，适逢今次老婆去完台湾出trip未食够，所以就冲入去，估唔到又有惊喜㖞，款式唔少啦鸡猪牛又好味，选择又多，熟食都好好味，个餐入边都包咗几款小食嘅，而牛爽腩、台南乌鸡肉卷、牛骨髓、水鱿同埋脆鲩片就要自己扫 QR code 落 order ，呢度呢，就有样好，佢所有嘅𩠌菜全部都系逐件逐件叫，就唔系一份咁叫，所以就变咗你可以好少少少少咁试好多唔同嘅嘢食，又唔怕嘥咗啲嘢食啦。而汤底呢，呢度都有八只选择嘅，想试吓豚骨汤又想试吓台湾养生药膳鸡汤㖞，个个都好似好好味咁，牡丹美人锅喺台湾之前有试过，望到山见青花椒麻辣汤又可以食鸭血好似唔错咁，不过惊食辣嘢会肚痛，而又想补补气最尾就叫咗滋补人参鸡汤，服务员就好细心，上个鸡汤个汤底𠮶阵时呢就帮你落埋个鸡，话大概六多10分钟左右到就可以饮咗个汤先，然之后食埋啲鸡再慢慢打边炉。够钟开盖，毕起两碗汤，就出去攞啲嘢食顺便摊冻，返嚟饮就啱啱好，哗~! 好好味，个汤好甜，人参好多条，啲药材浸味出晒嚟，成碗汤好香好好味! 鸡真系好味㗎㖞，咁又佢讲个时间话俾你听你真系啱啱熟多少少，唔会话见红，而个鸡肉又好滑，食得出唔系雪藏鸡，有人参味啦，仲有少少
而汤底呢，呢度都有八只选择嘅，想试吓豚骨汤又想试吓台湾养生药膳鸡汤㖞，个个都好似好好味咁，牡丹美人锅喺台湾之前有试过，望到山见青花椒麻辣汤又可以食鸭血好似唔错咁，不过惊食辣嘢会肚痛，而又想补补气最尾就叫咗滋补人参鸡汤，服务员就好细心，上个鸡汤个汤底𠮶阵时呢就帮你落埋个鸡，话大概六多10分钟左右到就可以饮咗个汤先，然之后食埋啲鸡再慢慢打边炉。够钟开盖，毕起两碗汤，就出去攞啲嘢食顺便摊冻，返嚟饮就啱啱好，哗~! 好好味，个汤好甜，人参好多条，啲药材浸味出晒嚟，成碗汤好香好好味! 鸡真系好味㗎㖞，咁又佢讲个时间话俾你听你真系啱啱熟多少少，唔会话见红，而个鸡肉又好滑，食得出唔系雪藏鸡，有人参味啦，仲有少少药材味啰，好香口。
我哋个餐呢就包咗几种肉嘅有两种牛两种猪，牛呢一个叫嫩坚美肌肉啦一个就牛爽腩，猪方面就有豚五花同埋梅花肉，嫩坚美肌肉呢就比较韧少少嘅，但系就肉味会香啲浓啲，牛爽腩呢就比较腍少少，冇咁浓味。猪五花呢就薄切，摆落去两下就基本上食得咁滞，咬落口嘅话就比较多层次，而另外个梅花肉呢都好香好有猪甜味。
跟住望吓啲熟食，出边有台式炖牛尾同埋有个台式嘅牛杂等等，我试呢几只啦今日几只都几好味咁，唔同香港啲牛杂味，味道比较浓。有个好特别嘅，台式蚵仔煎，你估唔到佢啲蛋咁香，同埋佢𠮶啲蛋花煎得好脆边，好好味!
好少地方见到嘅花生芽菜啊，大大条好爽口嘅咁，又有猪皮啦可以索味啦，有好得意嘅企鹅墨鱼丸、台式贡丸咁，菜方面都唔少选择个㖞，有油麦菜、生菜、娃娃菜、西洋菜、皇帝菜啦，茼蒿都有㖞，最特别就一定系水莲啦。
咁嘢饮都有好多选择嘅，有罐装茶饮啦、汽水啦，啤酒都有两只嘅。咁去得食台湾嘢，佢既然有台啤，咁就梗系叫台啤啦，收钱我都俾呀。呢度仲可以叫台式饮品嘅，有珍珠奶茶、爱玉绿茶咁啦!
甜品呢度好精致啊，细细碗咁，又可以试多几只，我哋就叫咗个豆花同埋仙草椰果，咁都正常发挥啦，又唔会太死甜，黑糖又好好味，我唔食糖水嘅都嗌多左几碗! 最尾就试咗个雪糕啦，好得意嘅冬瓜茶味，冬瓜茶就成日都饮，冬瓜茶味嘅雪糕呢就真系第一次食，佢都好清甜好好味!
平时其实之前嚟睇都好似好多人嘅，咁啱今次早食饭所以就入到嚟啰，对于好钟意台湾嘅人呢嚟呢度都可以系一个几唔错嘅选择，呢间火锅都可以值得试嘅，咁正唔正宗我又唔系好知，但系好味攞，都好啱香港人食嘅，食材都新鲜㗎，环境又唔差好舒适干净，所以都推荐大家，不过佢呢度啲嘢食咁多，我地个餐个时间就真系唔系好够喇! 嚟开嘅话都可以去呢度打炉，
豚五花
298 浏览
0 赞好
0 留言
梅花肉
159 浏览
0 赞好
0 留言
九份仙草椰果芋圆，华西综合豆腐花
102 浏览
0 赞好
0 留言
台式蚵仔煎
70 浏览
0 赞好
0 留言
冬瓜茶雪糕
55 浏览
0 赞好
0 留言
滋补人参鸡汤
18 浏览
0 赞好
0 留言
苹果爱玉绿茶
18 浏览
0 赞好
0 留言
嫩坚美肌肉
18 浏览
0 赞好
0 留言
自费台啤
10 浏览
0 赞好
0 留言
题外话/补充资料：
入座之前其实佢哋好似话可以拣两个汤底嘅，不过我唔记得咗系有啲咩条件喇，大家嚟到𠮶阵时如果屋企人朋友想食两种汤底嘅话可以问一问啦。
(以上食记乃用户个人意见 , 并不代表OpenRice之观点。)
张贴
