九記海鮮小廚

今晚同幾個朋友嚟土瓜灣食飯，附近食店林立，好多選擇。朋友話呢一間唔錯，所以就膽粗粗入嚟試吓。點知原來有驚喜，以為平日過嚟會冇人點知，原來都座無虛席，我哋等左一陣就有位喇。
首先講返先呢間一個係好舊式嘅小菜鋪，個椒鹽三鮮好好味，真係好食都停唔到。
個炸豬腸好好味，再配以佢哋嘅醬汁真係冇得彈。不得不提嘅係佢哋嘅蒜蓉粉絲扇貝，真係好離譜，好若味👍🏽👍🏽👍🏽開邊蝦粉絲，鮮甜！
最重要係佢有我最鍾意食嘅田雞煲啊，好香係個煲裏面，啲味道吸引我叫多碗飯，啖啖肉。
另外我哋有叫過脆魚腩煲,真係落足料我哋幾個食到停唔到口。
我覺得呢一間舖啲嘢咁好食，叫人點減肥呀。呢種小店我哋要多多支持，老闆娘好好人，介紹我哋唔同嘅菜式。
我一定會再嚟嫁！

1