竹麓拉麵

营业中

休息中

想食拉面但中环要食要行上山。Search openrice 见到中环街市food court竟然有拉面。再查吓间拉面似系认真拉面黎㖞！日本人拉面brand 㖞！近近地又$88 试吓无妨。叫咗个九洲背脂拉面。自己攞到返黎有少少怀疑有冇搞错咗，因为个样冇乜油，之前响新潟食背脂拉面好鬼多油！同埋个卖相真系好food court 拉面feel. 不过闻到紫菜好香。第一啖饮汤觉得好似冇乜味咁，有啲怀疑系伏。点知原来浸猪骨味系慢慢渗出黎，有啲家嘅感觉🤣 个汤仲有回甘味，可能就系佢啲背脂油爆出黎嘅小苦味，个汤底真系几特别。可能个汤唔系重口味版，特别显得葱同紫菜都好香，都切得好幼，但份量比较少。我差唔多全碗汤饮晒，我真系好少会饮咁多。面好幼所以偏软唔系弹牙𠮶只。但面都好多吓，比起香港其他拉面舖似乎较多面，男仔食应该都饱。肉好薄但好靓仔，肥瘦适中，完全唔鞋。食完半粒钟都无饮过水但完全唔口渴。是晚有鬼唱歌，都唱得几好。中环街市好多清洁阿姐所以啲台都真系几干净。不过就坐高櫈。总结：呢碗我会形容为猪骨汤嘅鸟华亭。唔想食heavy 嘅猪骨汤拉面呢度啱晒，仲要唔洗上山。