台北車站 (已結業)

估唔到將軍澳都有間好野食，行開新都城見到有間叫台北車站既餐廳諗住食台灣野。睇下個menu 都有幾多台灣野食，但更吸引到我既係佢地既烤魚。叫左個烤魚，湯底就叫左大紅袍，幾特別咁，佢係泡淑、紫薑、豆卜、芽菜、海帶結、木耳、芹菜、芫荽同埋蒜頭辣椒。呢啲配料全部都好啱我食，大紅袍湯底唔係好似啲麻辣咁樣好辣，佢係有啲酸酸辣辣嘅味，個湯底幾特別同埋條魚超級超級大條，兩個人食淨係食條魚都夠食，咁嘅價錢食到咁大條魚其實都幾抵。另外叫咗個小菜，×o醬四季豆炒鮮魷，魷魚嘅份量都幾多同埋個味道都唔錯，都幾有鑊氣。飲品方面佢都真係有台灣嘅手搖飲品，咁嗌咗香芋珍珠奶茶同埋古早味珍珠奶茶，佢嘅香芋珍珠奶茶幾真實，幾好飲。古早味珍珠奶茶就正正常常。估唔到將軍澳都有間幾唔錯嘅烤魚，另外佢仲有啲雞煲同埋水煮魚。另外仲有啲鑊氣小炒，住附近嘅朋友可以得閒落去試吓。